JA slide show
Эрүүл мэнд,мэдлэг Эмэгтэйчүүдэд ЭМЭГТЭЙЧҮҮДИЙН ӨВЧЛӨЛ

ЭМЭГТЭЙЧҮҮДИЙН ӨВЧЛӨЛ

E-mail Print PDF

САВНЫ ХҮЗҮҮНИЙ УЛАЙЛТ ЯАГААД БИЙ БОЛДОГ ВЭ?
Савны хүзүүний улайлт буюу умайн хүзүүний сувгийн үрэвсэл нь элбэг тохиолддог эмэгтэйчүүдийн үрэвсэлт өвчний нэг юм. Ихэвчлэн төрөлт, үр хөндөлтийн улмаас умайн хүзүүнд үүссэн урагдал, гэмтэл, эмчлүүлээгүй буюу дутуу эмчлэгдсэн бэлэг эрхтний (үтрээ, умай, умайн гуурсан хоолой, өндгөвчийн) үрэвсэлт өвчнүүд нь умайн хүзүүний суваг үрэвсэх гол шалтгаан болно.
Мөн дээрх үрэвслүүдийн багагүй хэсэг нь БЗДХ –той холбоотой байдаг байна.


Умайн хүзүүний сувгийн үрэвсэлтэй үед тэр бүр зовиур шаналгаа үүсэхгүй, өвчний эхэн үед бэлэг эрхтнээс ялгарах цагаан юмны хэмжээ ихсэх, өнгө нь өөрчлөгдөх, хэвлийн доод хэсэг, ууц нуруугаар өвдөх шинжүүд гарч болох боловч ихэнхи эмэгтэйчүүд анзаарахгүй өнгөрөөдөгөөс өвчин архагшин хүндэрдэг.

Түүнчлэн энэ өвчин нь умайн хүзүүний өмөн буюу хорт хавдар үүсгэдэг суурь өвчний тоонд ордог учраас эмэгтэй хүн бүр доод тал нь 6 сар тутамд нэг удаа эмэгтэйчүүдийн эмчид үзүүлж занших нь аливаа өвчин эмгэгийг эрт илрүүлэх, цаг алдахгүй эмчлүүлэхэд сайнаар нөлөөлдөг байна.

ӨНДГӨВЧНИЙ ҮРЭВСЭЛ ГЭЖ ЮУ ВЭ?
Өндгөвч нь эмэгтэйн биед эм бэлгийн эсийг боловсруулах болон биений юмны үйл ажиллагааг зохицуулдаг бэлгийн даавар ялгаруулах гэсэн 2 үндсэн үүргийг гүйцэтгэдэг аарцгийн хөндийд байрладаг бэлэг эрхтэн юм. Эмэгтэйчүүдийн өвчний дотор өндгөвчийн үрэвсэл нилээд элбэг тохиолддог бөгөөд дангаараа өвчилөхөөс илүүтэй умайн гуурсан хоолойн үрэвсэлтэй хавсарсан байх нь элбэг.

Ихэнхидээ үтрээ болон умайд байгаа халдвар өгсөх байдлаар тархсанаас үүсдэг. Өөрөөр хэлбэл төрөлт, үр хөндөлтийн улмаас умайд үүссэн үрэвсэл болон янз бүрийн шалтгаантай үтрээний үрэвслүүдийг эмчлүүлэхгүй архагшуулснаас халдвар үтрээнээс умайн хөндий рүү, умайн хөндийгөөс умайн гуурсан хоолой рүү, умайн гуурсан хоолойноос өндгөвч рүү дамжин тархах байдлаар өвчлүүлдэг.

Харин цөөн тохиолдолд уруудах замаар өөрөөр хэлбэл мухар олгой, шулуун гэдэс түүний дээд хэсэг, хошного зэрэг эрхтнүүдийн үрэвсэл тархаж өндгөвч болон умайн гуурсан хоолойг үрэвсүүлж өвчлүүлдэг байна.

  • Хэрвээ танд доорхи асуудлуудын аль нэг нь байгаа бол таны өндгөвч үрэвсэж өвчлөх магадлалтай тул заавал эмчид хандан эрүүл байгаа эсэхээ тодруулаарай.
  • Урьд өмнө, хэзээ нэг цагт эмч таныг үзээд Таны өндгөвч үрэвсэлтэй байна, эмчлүүлээрэй гэсэн боловч та эмчлүүлэхгүй орхисон.
  • Үе үе хэвлийн доод хэсэг, бүсэлхий, цавь орчмоор хатгуулж өвддөг
  • Биений юмны мөчлөг алдагддаг
  • Хэвлийн доод хэсгээр өвдөхийн хамт халуурч байсан
  • Бэлэг эрхтнээс цагаан юм их гардаг эсвэл цагаан юмны өнгө, үнэр хэвийн биш санагддаг
  • Үр хөндүүлж байсан эсвэл төрөлт хүндрэлтэй явагдсан
  • Умайн гаднах жирэмслэлт болж байсан.
  • Умайн хөндийдөө ерөндөгтэй
  • Хамгаалалтгүй, найдвартай б
    иш бэлгийн харьцаанд ордог
  • Хэвлийн хөндийн идээт өвчний улмаас хагалгаанд орж байсан

Өвчний илрэл нь хурц тод байхын зэрэгцээ бүдэг, балархай ч байж болдог. Халдвар хир их талбайг хамарч өвчлүүлсэн болон үүсгэсэн нянгийн хоруу чанар, тухайн хүний биеийн эсэргүүцэл зэргээс хамааран хэвлийн доод тал, бүсэлхийгээр өвдөх , халуурах, биений юмны үйл ажиллагаа хямрах зэрэг шинжүүд тод, бүдэг, хүчтэй, сул байдлаар илэрнэ. Хэрвээ өндгөвч болон умайн гуурсан хоолой идээлж үрэвсвэл энэ нь умайн гаднах жирэмслэлт болох, гуурсан хоолой битүүрэх, үргүйдэх зэрэг хүндрэлүүдийн гол шалтгаан болдог.

Харин мэргэжлийн эмчид цаг алдалгүй хандан оношлогоо, эмчилгээг хийлгэвэл бүрэн төгс эмчлэгддэг давуу талтай.

САРЫН ТЭМДЭГ ХУГАЦААНДАА ИРЭХГҮЙ ЗАРИМ САРД ИРЭЭД, ЗАРИМДАА ИРДЭГГҮЙ ХЭЛБЭЛЗЭЭД БАЙДАГ НЬ ЯМАР УЧИРТАЙ ЮМ БЭ?

Юуны өмнө биений юмны мөчлөгөө зөв тодорхойлох хэрэгтэй. Биений юм анх ирсэн өдрөөс дараагийн ирэх өдөр хүртэлх хугацааг нэг мөчлөг гэж үзнэ. Хоорондоо хэд хоногийн зайтай ирж байгаагаар нь биений юмны үйл ажиллагаанд ямар нэг өөрчлөлт байгаа эсэхийг тодруулж болдог. Тиймээс эмэгтэй хүн бүр сарын тэмдгийн хуанли хөтөлж хэвших нь чухал юм. Энэ нь тийм ч түвэгтэй биш бөгөөд та тухайн оны календарь аваад түүн дээрээ биений юм ирсэн өдрүүдээ дугуйлаад тэмдэглэхэд л хангалттай. Маш олон эмэгтэйчүүд биений юмыг сард нэг удаа ирэх ёстой гэж ойлгодог буруу итгэл үнэмшилтэй байдаг.

Биений юмны мөчлөг 20-35 хүртэл хоногтой байж болох бөгөөд ихэнхи эмэгтэйнх дунджаар 28 хоногийн мөчлөгтэй байдаг. Гэхдээ хүнд бүрд адилгүй. Доод тал нь 4-6 удаагийн биений юм үзэгдсэн хугацааг тасралтгүй тэмдэглээд хоорондоо хэд хоногийн зайтай байгаагаар нь таны биений юм хэд хоногийн мөчлөгтэй вэ гэдгийг тооцож болно. Биений юмны ирэх ёстой хугацаа 7 хоногийн дотор хойшоо, урагшаа хэлбэлзэж ирж болох бөгөөд үүнийг тогмол, хэвийн мөчлөгтэй гэж үзнэ.

Харин 20 хоногоос дотогш эсвэл 35 хоногоос дээш мөчлөгтэй эсвэл нэг удаа ирэхдээ 7 хоногоос дээш хугацаагаар үргэлжилдэг, өвдөлттэй ирдэг бол заавал мэргэжлийн эмчид хандаарай. Энэ нь умай, өндгөвч, тархины үйл ажиллагааны зохицуулга алдагдсантай холбоотой юм.

ХЭВЛИЙГЭЭР ӨВДӨӨД БАЙНА ЭНЭ ЯМАР ӨВЧИН БЭ?
Зөвхөн энэ зовиураар ямар нэг өвчин байна гэж үзэх нь хангалттай биш. Хэвлийн яг аль хэсгээр өвдөж байна, өвдөлтийн хүч, үргэлжлэх хугацаа нь ямар байна, өөр ямар нэмэлт зовиур илэрч байна зэрэг олон асуудлыг тодруулах шаардлагатай юм. Тийм болохоор өөртөө таамаглаж онош тавихын өмнө өрхийн эмчдээ эхлээд хандаарай. Танд үүссэн энэ зовиур дотрын, мэдрэлийн, мэс заслын, эмэгтэйчүүдийн олон өвчний үед илэрч болох тул мэргэжлийн эмчийн туслалцааг авах нь чухал.


Эх сурвалж Emch.mn


 

Санал асуулга

Та манай үйлчилгээнд хэр сэтгэл ханамжтай байна вэ?
 

Статистик мэдээ













Томуу, томуу төст өвчнөөс сэргийлье.

Таны эрүүл мэнд - Таны цэвэр гарт

ХДХВ-ын халдвараас сэргийлцгээе!


Төрөлтийн мэдээ

2018.11.11-ний өдөр 32 эх амаржсанаас 19 охин, 13 хүү мэндэлжээ.

Монголын үрс маш олон болох болтугай.

ЗАРЛАЛ

2018 ОНД МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙН ХУГАЦАА ДУУСАХ ЭМЧ, ЭМНЭЛГИЙН ТУСГАЙ МЭРГЭЖИЛТНҮҮДИЙН ТАЛААРХ МЭДЭЭЛЛИЙГ ИЛ ТОДХҮНИЙ НӨӨЦИЙН ИЛ ТОД БАЙДАЛЛИЦЕНЗ БУЛАНГААС ХАРНА УУ.

НЭЭЛТТЭЙ АЖЛЫН БАЙР






1. Нярайн сувилагч - 4

2. Нярайн эмч - 5

3. Яаралтай тусламжийн эмч - 1

4.  Эх баригч - 6

5. Дотоод хяналт шалгалт эрхэлсэн ажилтан-1

6. Эмнэлзүйн Эм зүйч - 1

7. Программ, хангамж сүлжээний инженер - 2


Эхийн сүү-Эрүүл хүүхэд

ISO 9001:2015 НЭВТРҮҮЛЭХЭЭР АЖИЛЛАЖ БАЙНА.

Төрөлт

Тоолуур

625092
ӨнөөдөрӨнөөдөр304
ӨчигдөрӨчигдөр1173
Энэ 7 хоногЭнэ 7 хоног5812
Энэ сарЭнэ сар16118
НийтНийт625092
Таны IP хаяг:54Dot82Dot93Dot116

Холбоос

  • Advertisement
  • Advertisement
  • Advertisement
  • Advertisement
  • Advertisement