JA slide show
Мэдээ мэдээлэл
Мэдээ мэдээлэл

МЭНДЧИЛГЭЭ

E-mail Print PDF

МЭНДЧИЛГЭЭ

Монгол улсад эх барих эмэгтэйчүүдийн төрөлжсөн нарийн мэргэжлийн тусламж үзүүлэх анхны байгууллага Монгол улсын ууган төрөх Нэгдүгээр төрөх буюу Өнөөгийн Нийслэлийн Өргөө Амаржих газарын маань үүсч байгуулагдсаны түүхт 90 жилийн ой 2018 онд тохиож байна.

Монгол Улсын 8 хүн тутмын нэг, Нийслэл Улаанбаатар хотын 3 хүн тутмын нэг нь 1-р ууган амаржих газар мэндэлсэн нь манай эмч бурхад, хүйн ээж нарын нөр хичээнгүй хөдөлмөрийн ач буяныг бэлэгдэн хэзээд манлайлагч, анхдагч, дэлхийн анагаах ухааны хөгжилтэй мөр зэрэгцэн алхах зорилго тавин бидний 480 гаруй гишүүн бүхий хамт олон багаараа тэмүүлэн ажиллаж байгаа билээ.

Тус амаржих газраас эхлэлтэй бусад төрөх газар, хүрээлэн, эмнэлэгүүдийн түүхэн суурийг тавихдаа 90 жилийн хугацаанд 375 000 гаруй эхийг эсэн мэнд амаржуулах нөр их ариун үйлсэд чин зүрхнээсээ хандахдаа хэзээч шантарч ухарч байгаагүй ч бяцхан үрсийн час хийх дуу, төрөх эхийн баярын нулимсыг харахдаа харин сэтгэл баясан догдолж  уяран хайлан урсах нулимсаа хэнээс ч нуугаагүй буянт үйлстнүүд өнөөдөр энэ тэнхимд цугларч 90 жилийн түүхээ хүүрнэн ярилцаж, хамт олноо дурсан өнөөгийн ололт амжилт цаашдын зорилтоо хэлэлцэх гэж нэгэн сайхан дурсамжит өдрийг хамтдаа өнгөрүүлэх гэж байгаадаа бидний зүрх цээжиндээ багтан ядан баясаж байна.

Нийслэлийн ӨРГӨӨ Амаржих Газрын буурал түүхийн шаргал хуудсанд нэрээ мөнхлөн үлдээж эх үрсийн эрүүл мэндийг хамгаалах нэр төртэй ариун үйлсэд хүч хөдөлмөрөө зориулсан үе үеийн алтан гартай, алдар хүндтэй эмч нар, эх баригч, сувилагч, асрагч, эмнэлгийн нийт ажилтнууд, энэ буянтай сайхан ууган амаржих газар анхны дуугаа хадааж мэндэлсэн нийт эх эмэгтэйчүүддээ таны унасан газар, угаасан ус, төрсөн эх хүйн холбоотой төрөлх Нэгдүүгээр төрөхийн тань түүхт 90 жилийн ойн баярын мэндчилгээг өргөн дэвшүүлж байгааг минь хүлээн авна уу!

Энэ эрхэм ариун өргөөнд төрсөн хүн бүхэнд, нийт ахмад ажилчид, алдар хүндтэй эрхэмүүд,  НӨАГ-ын нийт эмч, ажилчиддаа эрдэм мэдлэг, оюун ухаан, эд баялаг төгс байж, урт удаан насалж, улс эх орондоо улам ихийг бүтээхийг хүсэе!

                                                                                Нийслэлийн Өргөө амаржих газрын дарга Анагаах ухааны доктор Г.Баясгалан

 

Олон улсын гэр бүлийн өдрийг тэмдэглэх өдөрлөг

E-mail Print PDF

2018.05.16-ны өдөр Олон улсын гэр бүлийн өдрийг тохиолдуулан “Жирэмсэн эмэгтэйн гэр бүлийн орчин түүний онцлог” сэдэвт өдөрлөг зохион байгууллаа. Тус өдөрлөгт Нийслэлийн өргөө амаржих газрын амбулаторын тасаг, Сувилахуйн алба, Монголын гэр бүлийн сайн сайхны нийгэмлэг,  “Алпэн фарм” эмийн компани тус тус хамтран оролцлож гарын бэлэг гардууллаа.

Дэлгэрэнгүй...
 

“ХАВАРТАЙ УУЛЗАХ Л ХАМГИЙН САЙХАН” зохиогч, уншигчийн уулзалт өдөрлөг

E-mail Print PDF

2018.05.11-ны өдөр Нийслэлийн Өргөө амаржих газрын 90 жилийн ойн баярын хүрээнд номын сангаас “ХАВАРТАЙ УУЛЗАХ Л ХАМГИЙН САЙХАН” зохиогч, уншигчийн уулзалт өдөрлөг зохион байгуулагдаж дууслаа. Өдөрлөгийг уламжлал болгон 4 дахь жилдээ амжилттай зохион байгуулж байна. Номын сангийн үйл ажиллагаа, үйлчилгээ, цаашдын ажлын зорилтын талаар номын санч П.Бат-Оюун мэдээлэл хийлээ. Энэ жилийн номын сангийн өдөрлөг нь яруу найрагч Б.Болорцэрэнтэй хамтран, номын үнэ цэнэ, номын сангийн уншигчдынхаа тоог нэмэгдүүлэх, мэргэжлийн ном уншиж судлах боломжыг танилцуулснаараа онцлог болсон бөгөөд эмч, ажилчдын сонирхсон асуултанд хариулж ярилцлаа.

Дэлгэрэнгүй...
 

“Бүх нийтээр мод тарих үндэсний өдөр”

E-mail Print PDF

“Бүх нийтээр мод тарих үндэсний өдөр”
Ойн тухай хууль, Монгол улсын Ерөнхийлөгчийн “Мод тарих үндэсний өдөр зарлах тухай” 2010 оны 63 дугаар зарлигийг хэрэгжүүлэх зорилгоор 2018 оны хаврын “Бүх нийтээр мод тарих үндэсний өдөр”-ийг зохион байгуулах ажлын хүрээнд Нийслэлийн Өргөө амаржих газар 200 ширхэг мод тарина. Мод тарих хэсгүүдийг хувиарласан байдал: 1. Эмэгтэйчүүд (хойд) 20ш мод (нүх ухаж) 2. Амбулатори (хойд) 10ш мод (нүх ухаж) 3. Лаборатори (урд хэсэг) 10ш мод (нүх ухаж) 4. Захиргаа (баруун хэсэг) 10ш мод (үхсэн модыг авч шинээр суулгана) 5. Эх барихын бүх хэсэг, Угаалга ариутгал, Нярай, Хангамж үйлчилгээ (50ш мод тарих) 2018.05.12-ны өдөр 09:30 цагт эмч, эмнэлгийн ажилчид идвэхитэй оролцно уу. Ирц бүртгэнэ.


 

“Эрүүл мэндийн салбарт хэрэгжүүлэх жендэрийн үйл ажиллагааны төлөвлөгөөний хэрэгжилтийг дэмжих нь” сэдэвт сургалт

E-mail Print PDF

Жендэрийн Үндэсний Хорооны Ажлын алба, Азийн хөгжлийн банкны ”Жендэрийн баримжаат салбарын болон орон нутгийн бодлого, үйл ажиллагааны төсөл” хамтран “Эрүүл мэндийн салбарт хэрэгжүүлэх жендэрийн үйл ажиллагааны төлөвлөгөөний хэрэгжилтийг дэмжих нь” сэдэвт сургалт 2018 оны 05 дугаар сарын 09-ны өдөр Эрүүл мэндийн яаманд зохион байгуулагдлаа.

Сургалтын зорилго: Эрүүл мэндийн салбарын жендэрийн үйл ажиллагааны төлөвлөгөөг хэрэгжүүлэх албан хаагчдын чадавхийг бэхжүүлэх

Сургалтанд Эрүүл мэндийн яам болон түүний харьяа байгууллагуудын албан хаагчдын төлөөлөл 40 хүн оролцов. Тус сургалтанд Нийслэлийн Өргөө амаржих газрын хүний нөөцийн албаны дарга Ж.Дэлгэрцэцэг оролцов.

 


Хуудас 1 -с 105


Төрөлтийн мэдээ

2018.05.16-ны өдөр 38 эх амаржсанаас 18 охин, 20 хүү мэндэлжээ.

ЗАРЛАЛ

2018 ОНД МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙН ХУГАЦАА ДУУСАХ ЭМЧ, ЭМНЭЛГИЙН ТУСГАЙ МЭРГЭЖИЛТНҮҮДИЙН ТАЛААРХ МЭДЭЭЛЛИЙГ ИЛ ТОДХҮНИЙ НӨӨЦИЙН ИЛ ТОД БАЙДАЛЛИЦЕНЗ БУЛАНГААС ХАРНА УУ.

НЭЭЛТТЭЙ АЖЛЫН БАЙР






1. Сувилагч - 8

2. Нярайн сувилагч - 4

3. Эм зүйч - 1

4. Нярайн эмч - 4

5. Мэдээгүйжүүлэг, эрчимт эмчилгээний  эмч - 1

6. Эмнэлгийн багаж тоног төөхөрөмжийн техникч - 1 

7. Мужаан - 1 

8. Лаборант - 1 

9. Эх баригч - 2 

Эхийн сүү-Эрүүл хүүхэд

Бага насны хүүхдийг цонх тагтнаас унахаас сэргийлье!

Төрөлт

Тоолуур

504733
ӨнөөдөрӨнөөдөр64
ӨчигдөрӨчигдөр302
Энэ 7 хоногЭнэ 7 хоног3163
Энэ сарЭнэ сар9101
НийтНийт504733
Таны IP хаяг:54Dot81Dot68Dot240

Холбоос

  • Advertisement
  • Advertisement
  • Advertisement
  • Advertisement
  • Advertisement