Эрхэм хүндэт эцэг эхчүүд,

Эрүүл мэндийн салбарын хамт олон,

Нийслэлийн Өргөө амаржих газрын үе үеийн эмч, ажилтан, түнш байгууллагуудын төлөөлөл та бүхэнд айлчлан ирж буй Шинэ оны мэндийг өргөн дэвшүүлье.

Өнгөрсөн он бид бүхнээс хариуцлага, тэсвэр тэвчээр, хүнлэг сэтгэл, мэргэжлийн өндөр ур чадварыг шаардсан онцгой жил байлаа. Энэ хугацаанд эх, хүүхдийн эрүүл мэндийг хамгаалах ариун үйлсэд сэтгэл зүрхээ зориулан, өдөр шөнөгүй зүтгэсэн манай хамт олонд гүн талархал илэрхийлье.

Нийслэлийн Өргөө амаржих газар нь эх, нярайн аюулгүй байдал, тусламж үйлчилгээний чанарыг тасралтгүй сайжруулах, орчин үеийн оношилгоо, эмчилгээний дэвшилтэт технологийг нэвтрүүлэх, эхчүүдэд ээлтэй орчинг бүрдүүлэх зорилгын төлөө тууштай ажиллаж ирсэн билээ. Энэ бүхэн та бүхний хичээл зүтгэл, итгэл найдварын үр дүн юм.

Ирэх шинэ онд бид хамтын хүчээр илүү чанартай, хүртээмжтэй, хүн төвтэй эрүүл мэндийн үйлчилгээг хөгжүүлж, эх бүрийн инээмсэглэл, нярай бүрийн эрүүл өсөлтийн төлөө улам их амжилтыг бүтээнэ гэдэгт итгэлтэй байна.

Та бүхэндээ эрүүл энх, аз жаргал, ажил үйлсийн өндөр амжилт, гэр бүлд тань сайн сайхан бүхнийг хүсэн ерөөе.

Шинэ он та бүхний амьдралд итгэл найдвар, баяр баясал, сайхан бүхнийг авчрах болтугай.

Шинэ оны мэнд хүргэе!

Нийслэлийн Өргөө амаржих газрын дарга

Н.Батсайхан