МЭНДЧИЛГЭЭ

АЙЛ БҮРТ АЗ ЖАРГАЛ БЭЛЭГЛЭЕ!

Нийслэлийн Өргөө амаржих газар нь эх нялхасын эрүүл мэндийг сахин хамгаалах, эсэн мэнд амаржуулах, иргэдэд сэтгэлд нийцсэн чанартай тусламж үйлчилгээ үзүүлэх үндсэн чиг үүрэгтэй ажиллаж байгаа билээ.

Нийслэлийн Өргөө амаржих газар нь 487 эмч ажилтантайгаар эдүгээ жилд дунджаар 12000 эхчүүдийг эсэн мэнд амаржуулж, эх нярайн эндэгдлийг бууруулахын төлөө хичээн ажиллаж байна.

Монгол улсад эх барих эмэгтэйчүүдийн төрөлжсөн нарийн мэргэжлийн тусламж үзүүлэх анхны байгууллага Монгол улсын ууган төрөх Нийслэлийн Өргөө амаржих газар үүсч байгуулагдсанаас хойш 92 жилийн турш тасралтгүй үйл ажиллагаагаа явуулж байна.

Нийслэлийн Ууган амаржих газар нь төрөөс баримтлах бодлого шийдвэрүүдийг хэрэгжүүлж, амаржих газрын хөгжлийг шинэ түвшинд гаргахад бүхий л үйл ажиллагааг чиглүүлэн ажиллахдаа манай хамт олон өргөсөн тангарагтаа үнэнч байж эх нялхсын эрүүл мэндийг хамгаалах ариун үйлсдээ цаг мөч бүрт чармайн ажиллаж байна.

Орчин үеийн техник технологийн эрин зуунд өглөө бүрийг шинэ нялсхын дуугаар угтаж улс орныхоо хөгжил, эрүүл ирээдүйн төлөө эрч хүч эрдэм мэдлэгээ дайчлан ажилладагтаа бид бахархдаг билээ.

Эх барих эмэгтэйчүүд, мэдээгүйжүүлэг яаралтай тусламжийн болон нярайн эмч нарын багийн нөр их хүч чармайлтын үр дүнд энэ дэлхийд дуугаа хадааж ирдэг бяцхан нялхасынхаа эрүүл мэндийн төлөө Та бүхэн бидэнтэй байнгын түнш хамтрагч байхыг уриалж байна.

МОНГОЛЫН ҮРС МАШ ОЛОН БОЛОХ БОЛТУГАЙ