Дэлхий дахинд “Дэнлүү барьсан эмэгтэй, хүн төрөлхтөнд хайрыг илгээсэн тэнгэр элч” хэмээх нэрээр алдаршсан орчин үеийн сувилахуйн шинжлэх ухааныг үндэслэгч Флоренс Найтингелийн төрсөн тавдугаар сарын 12-ны өдрийг Олон Улсын Сувилагчийн Нийгэмлэгээс Сувилагчдын эрхийг хамгаалах, сувилахуйн тусламж, үйлчилгээг сурталчлах, тусламж, үйлчилгээг сайжруулах хүрээнд тэмдэглэж ирсэн билээ.

Өргөөчүүд бид энэ сайхан өдөр “ Эх баригч хүмүүнлэгийн элч” , “Бидний сувилагч- Бидний ирээдүй” уриа дор Олон Улсын Эх баригч, Сувилагч нарын баярын хурлыг зохион байгуулсан.

Баярын арга хэмжээнд урилгаар Нийслэлийн Эрүүл Мэндийн Газрын Эмнэлгийн Тусламжийн Хэлтсийн дарга Б.Батцоож оролцлоо.

Ажил амжилтаараа шалгарсан шилдэг сувилагч, эмнэлгийн тусгай мэргэжилтнүүдийг шагнаж урамшууллаа.

• Эрүүл Мэндийн Яамны “ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН “ тэмдгээр -3

• Эрүүл Мэндийн Яамны “ХҮНДЭТ ЖУУХ” бичгээр - 6

• Монголын Сувилагчийн Нийгэмлэгийн шагналаар -4

• Монголын Эрүүл Мэндийн Ажилтны ҮЭХ-ны шагналаар -10

• Сувилахуйн Амьдрал Төв НҮТББ шагналаар -3

• Монголын Залуучуудын Холбооны шагналаар -5 сувилагч, эмнэлгийн тусгай мэргэжилтнүүд шагнагдлаа.

Эх , нярайн эрүүл энхийн төлөө хоёргүй сэтгэлээр ажиллаж, өөрийн оюун ухаан, мэдлэг, ур чадвараа дайчлан ажиллаж байгаа үе үеийн эх баригч, сувилагч, эмнэлгийн тусгай мэргэжилтнүүддээ “Олон Улсын Эх баригч, Сувилагч” –ийн баярын мэндийг өргөн дэвшүүлье.

Сая төрсөн хүүхдийн уйлах дуунаас эхлээд амьдралын сүүлчийн амьсгал хүртэлх хүний амьдралын бүхий л хугацаанд эрүүл мэндийн тусламж үзүүлэгч , эрүүл мэндийн боловсрол олгодог сургагч багш, өвчтөний халамжлан хүмүүжүүлэгч болсон эрхэм ӨРГӨӨЧҮҮДДЭЭ амжилт бүтээлийн дээдийг хүсэн ерөөе.