Дэлхийд жил бүрийн наймдугаар сарын 1-7-ны өдрийг “Хүүхдийг эхийн сүүгээр хооллохыг дэмжих өдөр” болгон тэмдэглэсээр ирсэн билээ. Нийслэлийн Өргөө амаржих газрын хамт олон маань ч дээрх өдөрлөгийг жил бүр хийдэг уламжлалтай. Энэ жил Төрөх, төрсний дараах тасаг Нярайн тасаг, сувилахуйн алба хамтран "Ангир уураг, хөхөөр хооллолтын ач холбогдол"-ыг хэвтэн эмчлүүлж байгаа жирэмсэн болон төрсөн ээж нартаа таниулж хүүхдээ хэрхэн зөв хөхүүлэх зааварчилгааг дүрс бичлэгээр үзүүлсэн бүтээлч сайхан өдөрлөг зохион байгууллаа. ТТДТ-ийн эмч О.Одмандах, НТ-ийн эмч Я.Гэрэлтуяа нар энэхүү өдөрлөгийн гол зохион байгуулагчаар ажиллан HAAKA MONGOLIA, ABICO MONGOLIA, ЦАХИУР ТӨМӨР компаниуд ивээн тэтгэгчээр оролцож өөрсдийн бүтээгдэхүүнээр ээж нарт гарын бэлэг гардууллаа.