Нийслэлийн Өргөө амаржих газрын Нярайн хүлээн авах хэсгээр жилд   6000 эх нярай, сард 450-500 эх нярай үйлчлүүлж эмнэлгийн тусламжийг авдаг байна.

Эдгээр бяцхан үрсийг ар гэрийнхэнтэй нь хүлээн авч үйлчлэхэд тав тухтай, тохилог орчин бүрдүүлэх Нийгмийн хариуцлагын хүрээнд “Грийн Гэйт Интернэйшнл” ХХК нь Нийслэлийн Өргөө амаржих газрын Нярайн хүлээн авах яаралтай тусламжийн хэсгийн 154м² талбайд байгальд ээлтэй хүний биед хоргүй хамгийн сайн материалаар иж бүрэн засвар, тохижилтын ажлыг хийж өнөөдөр 2020.10.01-ний өдөр хүлээлгэн өглөө. Тус тасаг нь 2015 онд ашиглалтад орсноосоо хойш урсгал засвар хийгдээгүй хэдий ч ачаалал нь 2 дахин нэмэгдсэн тул яаралтай засч сайжруулах шаардлагатай байсан юм.

Эх нялхсын эрүүл энхийн төлөө бидэнтэй хамтран ажиллаж олон сайхан ажлыг зохион байгуулдаг  “Грийн Гэйт Интернэйшнл” ХХК-ны хамт олонд ажлын өндөр амжилтыг хүсэн ерөөе.

Грийн Гэйт Интернэйшнл ХХК нь Өргөө амаржих газартай хамтран ажиллах гэрээг 2019 оны 12-р сарын 12 нд хийж байсан бол өнгөрсөн 1 жилийн хугацаанд  маш олон ажилуудыг хийж гүйцэтгэсэн байна. Үүнээс дурдвал:

·         Өргөө амаржих газарт жилд дунджаар 12.000 хүүхэд мэндэлдэг ба эдгээр хүүхэд бүрт 18,5 сая төгрөгийн үнэ бүхий малгай бэлэглэсэн

·         2020.03 сараас Өргөө амаржих газарт амаржсан эхчүүдэд Organyc брэндийн төрсний дараах ариун цэврийн хэрэглэл, Nuby брэндийн хөхний сүү шингээгч, Weleda брэндийн хөхөнд сүү оруулах цай, Topicream брэндийн хүүхдийн тосны нэг удаагийн хэрэглээг тус тус бэлэглэж байна

·         Нярайн тасгийн эрүүл нярай, эрчимт эмчилгээ, эмгэг нярайн тасгуудад нярай хүүхдийг угаах францын Topicrem брэндийн гармонгүй парабен агуулаагүй, ургамлын орц найрлагатай нярайн саван, шампунаар ханган ажиллаж байна.